Løyve til avløpsreinseanlegg i Molde

Det nye reinseanlegget vil ha ein forventa reinsegrad på 70-85 % reduksjon av suspendert stoff. Årleg vil uttaket av silslam auke med 395-490 tonn. Det nye reinseanlegget vil stå ferdig i 2020. Det er innvilga fritak frå sekundærreinsekrav. Fylkesmannen har tidlegare gjeve løyve til utslepp frå reinseanlegget på Nøisomhed. Det nye løyvet, med både dei to reinseanlegga, omfattar no heile den tettbygde delen av Molde by.

Vedtakat kan klagast inn til Miljødirektoratet av partane i saka eller andre med rettsleg klageinteresse innan 3 veker. Klaga bør grunngjevast, og eventuelle opplysningar som kan vere viktige for saka, bør nemnast. Klaga skal sendast til Fylkesmannen i Møre og Romsdal.

Vedtak med grunngjeving og løyve etter forureiningslova kan lastast ned via lenkja til høgre på denne sida.