Vestlandsambassadørar i Berlin

I det vestlandske fjordlandskapet vert det produsert mat- og reiselivsopplevingar i verdsklasse. Denne gongen reiser 20 utvalde bedrifter frå Fjord Norge-regionen til den største matmessa i verda, Internationale Grüne Woche i Berlin.

Messedeltakinga er eit stort prosjekt som er eigd av Landbruks- og matdepartementet.  Den nasjonale  prosjektleiinga ligg hos Innovasjon Norge. Det store målet for innsatsen som vert investert her er å byggje Norge som ein sterk mat- og reiselivsnasjon. Sidan arrangementet i Berlin samstundes også er “Noregs største lokalmatfestival” styrker dette arbeidet omdømet til norsk landbruk og norsk mat og drikke. Deltakarane får også sjansen til å samarbeide meir mellom regionane. Nye nettverk stimulerer til nyskaping – dette er ein klassisk vinn-vinn-konstellasjon.

Regionalt er vi organisert som eit samarbeidsprosjekt mellom statsforvaltarane i Møre og Romsdal, Vestland og Rogaland. Vestlandsregionen har vore del av dette prosjektet mange gonger før, noko som ikkje er tilfeldig.

Messa Internationale Grüne Woche starta i 1926 som ei enkel varemesse for landbruksprodukt. No reknar arrangørane med nesten 1900 utstillarar frå 72 land og ca. 400 000 besøkjande på totalt 128 000 m2 areal.

For å vere litt smålåten; Norge har ein av dei finaste standpresentasjonane i Berlin. I 2023 er det regionane Fjord Norge og Trøndelag som er valde til å vise fram dei beste råvarene og til å fortelje om Norge som reiseland. Vårt land er i utgangspunkt eit populært reisemål for tyskarane. Vi vil forsterke denne interessa gjennom dei lekraste mat- og drikkekombinasjonane.

Også i år har vi måtta velje mellom eit mangfald av fantastiske produsentar som gjer det mogeleg å servere smakfulle rettar med ost, sider, ulike typar kjøt, røykelaks og sjokolade på messa. Deltakarane frå regionen vår er:

For meir informasjon om IGW 20.-29.januar 2023 kan du ta kontakt med prosjektleiarane Dirk Kohlmann, Statsforvaltaren i Vestland eller Ingerid Wembstad, Matarena AS.