Viktig informasjon om handsaming av plansaker

Fylkesmannen i Vestland ønskjer med brevet å informere om følgjande: 

• Orientering om ordninga med Fylkesmannens samordning av statlege motsegner til kommunale planar etter plan- og bygningslova

Samordningsprosjektet har styrka dialogen og samhandlinga mellom aktørane og har gjeve meir effektiv og betre statleg medverknad i kommunale planprosessar. Både tal motsegner og sakshandsamingstid i motsegnssaker er redusert. Medan ein i Hordaland har vore med på samordningsprosjektet sidan starten, er dette frå i år nytt i Sogn og Fjordane.

• Behov for utvida høyringsfrist for plan- og dispensasjonssaker

No når sommarferien straks står for døra, vil Fylkesmannen minne om kommunane sitt ansvar for tilrettelegging for medverknad i planprosessar. I ferietider betyr det i praksis at m.a. høyringsfristane bør forlengast.

Vi oppmodar difor kommunane om å utvide uttalefristen med minst fire veker for saker som blir sendt ut i perioden 17. juni – 18. august. I nokre høve kan det verte behov for endå meir tid.