Gebyr for å tinglyse attest om framtidsfullmakter

Når Statsforvaltaren stadfestar at ei framtidsfullmakt som gjeld eigedom har tredd i kraft, skriv vi ei attest om stadfestinga som vi sender til kartverket for tinglysing.

For å tinglyse denne attesten, må det betalast eit tinglysingsgebyr. Fram til no har tinglysingsgebyret blitt dekt av Statsforvaltaren i Vestland.

Frå nytt år legg vi om praksis. 

Ny praksis går ut på at vi kjem til å krevje refusjon av det tinglysingsgebyret Statsforvaltaren betaler til kartverket ved å sende faktura med tilbakebetalingskrav til fullmektigen. Fullmektigen må betale fakturaen med fullmaktsgjevaren sine midlar. 

Dette er i tråd med burettslagslova, tinglysingslova og rettleiaren frå Statens sivilrettsforvaltning til statsforvaltarane, som du finn lenke til i høgremargen.