Oversikt over kurs for LIS1 våren 2022

Her er ei oversikt over kurs for deg som skal ha LIS1 i Vestland våren 2022:

• Kurs i akuttmedisin Helse Førde (LIS1 gamle Sogn og Fjordane, minus Gulen), 9.-10. mars.
• Kurs i akuttmedisin Nordhordland legevakt (LIS1 gamle Hordaland + Gulen), 7.- 8. mars (identisk med kurset 9.-10. mars).
• Kurs i akuttmedisin Nordhordland legevakt (LIS1 gamle Hordaland + Gulen) utgår. Meld dykk på kurset 7.-8. mars.
• Første grupperettleiing 6. april i Sogndal.
• Kurs i offentleg helsearbeid 7.-8. april.
• Andre grupperettleiing, 7.-8. juni på Voss. 

Kommunane har ansvar for opplæring i nødnett. Helse Førde legg til rette for at de som tek kurs i akuttmedsin i Førde får eit kurs i bruk av nødnett før de byrjar i legevakt. Kurset i nødnett vert halde som kveldskurs 8. mars. Dette må kommunane dekke for dykk. Arrangøren sender ut faktura i etterkant av kurset. Påmelding og informasjon om kurset finn de i Læringsportalen til Helse Førde .

I tillegg vil Helfo arrangera eit digitalt kurs over tre timar, knytt opp mot takstbruk og legemiddel (blå resept) 17. mars frå 09.00-12.00. Invitasjon til kurset og oppkoplingslenke er sendt ut per e-post frå Helfo. 

Vi minner om grunnleggande føringar for smittevern knytt til møte- og kursverksemd.  Les meir om smittevern knytt til arrangement på Folkehelseinstituttet si heimeside.

Reiseutgifter

Vi dekker reiseutgifter tilsvarande rimelegaste reisemåte (andre reisealternativ må eventuelt avklarast med Statsforvaltaren på førehand). Det vert ikkje gitt nattillegg eller kostgodtgjersle. Sjå òg rettleiing honorar og reiser for eksterne.