Forverring av den psykiske helsa til personar med rusproblem

Kva er BrukerPlan?

Målsettinga til dei nasjonale styresmakter er at alle kommunane tek i bruk verktøyet BrukerPlan. Oversikt over omfanget av rus- og psykiske problem hos tenestemottakarar i kommunen, kan nyttast til forbetring av tilbod og i arbeidet med planlegging av framtidige tenester. Kartlegginga inneheld åtte ulike levekårsindikatorar; bustadsituasjon, meiningsfull aktivitet, økonomi, fysisk helse, psykisk helse, bruk av rusmiddel, sosial fungering og sosialt nettverk.

I 2019 var det 17 kommunar i Vestland og i 2018 til saman 30 kommunar i Sogn og Fjordane og Hordaland som kartla ved hjelp av BrukerPlan.

Les meir om BrukerPlan på heimesida til Korus Bergen.

Årsrapporten for BrukerPlan 2019 viser at:

• Det er ei forverring av den psykiske helsa til mottakarar med rusproblem. Delen mottakarar med mindre alvorlege ROP-problem har auka dei siste åra.
• Talet på bustadlause går ned men det er ei større gruppe på omlag 10 000 mottakarar som ikkje har permanent eller tilfredsstillande bustadsituasjon.
• Det er framleis ein stor del mottakarar som ikkje har tilbod om meiningsfull aktivitet. Nær ein tredel av tenestemottakarane med rusproblem har svært lite eller ingen meiningsfull aktivitet.
• Det er totalt 4 769 barn som har omsorg eller samvær med ein forelder som er i ein alvorleg levekårssituasjon med alvorlege psykiske lidingar og/eller rusproblem og som har store utfordringar på fleire av dei åtte ulike levekårsområda som er nemnd ovanfor.

Du kan lese årsrapporten frå BrukerPlan 2019 her.