Søknad om løyve - knuseverk på Bybanens anlegg Store Lungegårdsvann

Bybanen Utbygging vil etablere eit knuseverk for tunellmassar for gjenbruk i prosjektet. For å etablere bybanetrasé med tilhørande infrastruktur er det behov for inntil 150 000 m³ knuste massar.

Knuseverket skal lokaliserast, saman med eit sikteverk, på dagens anleggsområde ved Store Lungegårdsvannet. Drift av sikteverket er allereie regulert gjennom Fylkesmannens løyve datert 27. juni 2019.

For å kompensera for to støykilder (sikteverk og knuseverk) skal det etablerast ein 5 meter høg støyvoll/støyskjerm rundt dei to maskinene, samt at summert[1] driftstid vert begrensa til maks 8 timer innanfor tidsrommet 07 – 19, og kun drift kvardager (mandag – fredag). Sweco har i vedlagte støyrapport dokumentert at støygrenser for knuse- og sorteringsverk (L_den 55 dB), gjeve i forureiningsforskrifta kapittel 30, vert stetta med desse avbøtende tiltaka.

Dei andre avbøtende tiltaka for støv og utslipp til sjø, som er pålagt i Fylkesmannens løyve av 27. juni 2019, vil også omfatte etablering av knuseverket:

• Med dei avstander som er til nærmaste bebyggelse så forventer ikkje Bybanen overskridingar av dei nasjonale støvgrensene for sikteverk. Det er plassert ut støvmålarar ved nærmaste bustader for å måle støvnedfall.
• For å redusere fare for forureining til Store Lungegårdsvann skal overvatn rensast i sedimentasjonsbasseng dimensjonert for også å kunne rense olje ved uhell

[1] Summert driftstid er summen av antall timer sorteringsverket og knuseverket er i drift den aktuelle dagen. Som eksempel vil 4 t samtidig drift av sorteringsverk og knuseverk gi ei summert driftstid på 8 t.

Offentleg ettersyn

Saksdokumenta finn du til høgre på denne nettsida. Høyringsfrist er 22. november 2019.

Merknader til søknaden kan du leggje inn i skjemaet under, sende til fmvlpost@fylkesmannen.no, eller sende per post til Fylkesmannen i Vestland, Statens hus, Njøsavegen 2, 6863 Leikanger. Merk saka med referansenummer 2018/812.

Alle fråsegner vert registrerte i vår postjournal. Alle må difor skrive under med fullt namn. Useriøse uttaler vert ikkje vurdert.