Ekstra skjønnsmidlar til kommunane
Etter koronautbrotet er det vedteke å auke skjønnsramma til kommunane med 250 mill. kroner.
Fylkesmannen i Vestland har no fordelt 23,7 mill. kroner til kommunane.
Dette innhaldet er meir enn eitt år gammalt. Informasjonen kan derfor vere utdatert.
Fylkesmannen forstår det slik at dei ekstra løyvde skjønnsmidlane gjeld kompensasjon av direkte meirutgifter knytt til den første akuttfasen i samband med koronautbrotet. Sjølv om kommunane er ulikt råka av utbrotet og derfor har hatt ulik ressursbruk og utgifter, føreligg det så langt ikkje noko godt oversyn over utgifter i kommunane. Dette er og drøfta med KS-Vestland. Fylkesmannen har difor valt å fordele midlane etter folketal med eit minimumsbeløp for kvar kommune på kr 200 000. Ved eit slikt minimumsbeløp, tek ein m.a. omsyn til mindre kommunar som har større utgifter i akuttfasen.
Fordeling til kommunane går fram av vedlagte brev til Kommunal- og moderniseringsdepartementet.