Gjerde mot hjorteskade på innmark
Det er god økonomi i å setje opp gjerde for å halde hjorten unna den beste innmarka. Større avlingar og lengre levetid for enga er viktig for dei som treng mykje grovfôr.
Dette innhaldet er meir enn eitt år gammalt. Informasjonen kan derfor vere utdatert.
Landbruket har store årlege tap av grovfôr på grunn av hjort som beitar på innmark. Statsforvaltaren har difor laga eit notat som seier noko om kostnad med ulike typar hjortegjerde, støtte frå Viltfondet og sparte fôrkostnader.
Inngjerding er eit effektivt tiltak mot beiting på innmark og gjev betre overvintring av graset og auka fôrkvalitet. Behovet for inngjerding varierer mellom teigar, forventa avlingsmengd og om enga er eigd eller leigd.
Vestland fylke har ei stor hjortestamme som er i vekst, og fleire stader utgjer hjorten ein økonomisk belastning for grovfôrprodusentane. Me kan ikkje fjerna all hjorten frå utmarka, men me kan prøva å halda den utanfor slåttearealet.