Hjelp, bussen kjem!
Konferanse på Utstein Kloster 7. november om å ta imot grupper og vere det gode vertskapet.
Dette innhaldet er meir enn eitt år gammalt. Informasjonen kan derfor vere utdatert.
Målet med konferansen er å bli betre i vertskapsrolla, synleggjere kva medlemmane kan tilby til ulike turoperatørar når det gjeld gruppebesøk, samt utveksle erfaringar.
Dato og tid: 7.november frå kl 9:30-17:00
Stad: Utstein Kloster, Mosterøyveien 801, 4156 Mosterøy
Påmelding snarast og innan 28.oktober til eli.undheim@gmail.com
Konferansen er gratis for Hanen Rogaland sine medlemmar, og Hanen Rogaland oppmodar til å stilla med 2 representantar frå bedrifta dersom det er råd (også gratis for nr 2 dersom han/ho deltek i drifta).
Velkomen til deg som ikkje er medlem! Konferanseavgifta for ikkje-medlemmar er 1200 kroner pluss mva, eller bli medlem og delta gratis.
Program
09.30: Frammøte og registrering
10.00: Velkomen
10.15: «Det gode vertskap» av Eli Laupstad, Sogndalstrand Kulturhotell
10.35: «Kva vil gjestane ha?» Samtale med Koll Kyllingstad, Hagabuss
10.50: Me går til gardsutsalet på Klostergarden
10.55: Inger Lise Aarrestad Rettedal viser oss rundt og fortel om sine erfaringar med gruppebesøk
11.35: Siri Rasmussen Lea frå Ystepikene fortel om ysteriet og deira erfaringar med å ta imot grupper
12.00: Lunsj og tid til drøs
13.00: Korte innlegg av representantar frå Fylkeskommunen, Hanen og Statsforvaltaren
13.15: Økonomi i det å ta imot grupper, ved SKAPE. SKAPE er eit tilbod for etablerarar i Rogaland.
Kva må me tenkje på? Me set opp eit konkret budsjett og lagar ein mal som kan bli brukt av deltakarane etterpå
14.00: «Hjelp! Bussen kjem!» Tor Øyvind Skeiseid frå Ryfylke Livsgnist
15.00: Kaffi-pause med litt å bite i
15.30: Utarbeiding av skjema som skal visa kva bedriftene i Hanen Rogaland kan tilby. Innleiing, gruppearbeid og oppsummering
16.30: Vegen vidare. Kva destinasjonar og reiseselskap tar me kontakt med?
17.00: Oppsummering og takk for i dag
For dei som treng overnatting, kan Utstein Kloster Hotell tilby enkeltrom til kr 1395 og dobbeltrom til kr 1695. Bestill på post@utsteinklosterhotell.no og oppgi Hanen Rogaland for desse prisane.
Arrangør: Hanen Rogaland. Arrangementet har fått støtte frå Rogaland fylkeskommune.
